sasambat Banyu kerur manusa hiji sajak ngagambarkeun rongkahna banyu dina mangsa usum hujan biasana nimulkeun masalah kana kahirupan manusa, datang caah rongkah nu teu saeutik nimbulkeun karugian kana kahirupan ku lapurna raja kaya nu dipiboga. Aya kalana lamun teu panceg dina kaimananmah, nimulkeun rasa aral dina dirina. Padahal lamun dipikir anu bener, datangna banyjir, caah rongkah ngueak-ngawik pakampungan eta akbibat tina tingkah manusa keneh teu bisa ngajaga alam, hirup sarakah, teu nolih kana karuksakan alam, miceun runtah sangeunahna ka walungan, kokocoran cai dipendet dileutikan, tatangkalan panahan cai beak dituaran, atuh dina datangna hujan rongkah cai uwar awer kamana daekna neangan tempat pangocoran, anu akhirna cai nyorang pakampungan tempat padumukan manusa.
SASAMBAT SANG BANYU KEUR KA MANUSA
(Pepeling sangkan urang geura eling)
Kenging: Undang Sumargana
.jpeg) |
| SASAMBAT SANG BANYU KEUR KA MANUSA JEUNG 3 SAJAK SEJENNA |
Kula banyu
kahuripan
Anjeun manusa
nu hirup
Kua ayana nu mere
hirup
Jeung ayana nu
hirup
Hampura ka pada
mahluk
Kula ngamuk nguwak
ngawik
Da bongan anjeun
telenges
Lain teu ketir
kula nerebkeun puluhan nyawa
Lain teu heman
kula buntang banting
Nyababkeun tatuna
puluhan manusa
Lain telenges kula
ngaburak barik sakabeh raja kaya
Bongan anjeun
baleang geus teu bisa jadi sobat
Tuh sakseni cimata
kaula
Masih beueus
ngeclak ti langit
Masih ngabayabah
na tempat-tempat handap
Bongan anjeun
campelak ngaganggu sirah kaula
Ka ki sunda nu
mangkuk di Kota Garut
Kula
hampura........
Sabab pamatuk
Citarum
Kapendet sarah
jeung runtah
Kalindih leutak nu
mayakpak
Kula sang Banyu
Ka Ki Sunda nu
heman miara alam
Kula hampura, teu
bisa ngawilah-wilah
Bongan tempat kula
matuh
Beak rangsak
disasaak jalma sarakah
Tempat pamuntangan
nahan pasir anu nangtawing
Kula sang banyu
Padahal kula
geus mineng mere tanggara
kasaksi na pasir
anu bulistir
tong wani
nyalahkeun kula
lamun kula nguwak-ngawik
nyasaak mautan
nyawa
Hampura lamun kula
geus nyoara
Da geus nepi ka
mangsana
Bongan totonden
jeung tanggara ti kula
Diantep teu di
palire
Sabab heab dunya
ti naraka kasarakahan
Geus nutupan mata hate diri anjeun
Hampura, kula sang
Banyu menta dihampura
Lamun anjeun masih
ngaku sobat dalit
Tong ganggu
pangrereban kula
Tong campelak
narokan sirah kaula
Sarta tuduhkeun
kamana kula lumampah
Sangkan nepi
kamuara.
Ditulis di Tasik Pakidulan: 23 September 2016
LALAKI LALANANG JAGAT
Kenging : Undang
Sumargana
Kuring masih
sanggup
Ngayonan musuh pamuk
Ngagurat yuda dina
jurit
Tapi kuring rumasa eleh jajaten
Lamun kudu ngagurat
duriat
Sabab hate
miheulaan tibelat
Kuring masih masih
sanggup
Nadah ombak lautan
Nu rek
ngaruntagkeun jagat
Kuring masih
pengkuh
Masang kuda- kudu
na jurus pamungkas
Ngawatek tanaga
lapisan jero
Na jurus ampuh
Pasangan Galura
Laut Kidul
Kuring lalaki
lalanang jagat
Lalaki nu kudu
katadiresa
Ngalukrah na
kalangkang imut anjeun
Na hegarna raray nu
marahmay
Na soanten anu masih ngagalindeng
Na ketak nu lungguh
timpuh
Nyangkere na guha
simpe
Tasik Pakidulan, Rebo, 24 Agustus 2016
KEUR ANJEUN NU TEPANG DI JOMANTARA
(Kenging ; Undang Sumargana)
Urang mindeng patepang enung......!
Sanajan saukur
di jomantara
Kebat ngalanglang nepi katungtng balebat
Kembang kamelang mimiti ngarandakah
Bareng jeung tumuwuhna sirung kanyaah
Nu mangkak na galih asih kembang duriat
Hate mineng cumarita Enung....!
Ngacacang di media gantang.
Sabadi angin janari
niupkeun dalingding asih
nanceb na jatining ati biangna rasa
Urang kungsi pateuteup .....enung!
Sanajan ukur na gambar.
Tapi gelenyuna imut anjeun
Geus jadi pangirut
Nu terus tembus kana ketug jajantung
Urang kungsi ngedalkeun rasa...Enung!
Sanaos ukur soanten na Harewos Panangan (HP)
Tapi ieu galih ati terus neundeun kaheman
Sabada ungkara cinta geus dikedalkeun
Bareng jeung palidna umpalan kaheman
Sugan jeung sugan bisa ngamuara
Na lautan asih
Di pencarmangsa cagar jiwa.
Tasik Pakidulan, Rabu 31 Agustus 2016
KEUR ANJEUN NU TEPANG DI JOMANTARA
(Kenging ; Undang Sumargana)
Urang mindeng patepang
enung......!
Sanajan saukur di
jomantara
Kebat ngalanglang nepi
katungtng balebat
Kembang kamelang mimiti
ngarandakah
Bareng jeung tumuwuhna sirung
kanyaah
Nu mangkak na galih asih
kembang duriat
Hate mineng cumarita
Enung....!
Ngacacang di media gantang.
Sabadi angin janari
niupkeun dalingding asih
nanceb na jatining ati biangna
rasa
Urang kungsi pateuteup
.....enung!
Sanajan ukur na gambar.
Tapi gelenyuna imut anjeun
Geus jadi pangirut
Nu terus tembus kana ketug
jajantung
Urang kungsi ngedalkeun
rasa...Enung!
Sanaos ukur soanten na
Harewos Panangan (HP)
Tapi ieu galih ati terus
neundeun kaheman
Sabada ungkara cinta geus
dikedalkeun
Bareng jeung palidna umpalan
kaheman
Sugan jeung sugan bisa
ngamuara
Na lautan asih
Di pencarmangsa cagar jiwa.
Tasik Pakidulan, Rabu 31
Agustus 2016
Na Petengna Peuting
Kenging: Undang Sumargana
Kuring kungsi ngangseu nyeuaeup petengna peuting
Basa angin janari ngabetrik rapuhna dahan kahirupan
Horeng raga ukur titipan nu usik marengan rasa
Katalimbeng ku urusan dunya nu pupulasan
Kuring ngarasa lungse nyimbutan sesebitan hate
Basa langit ngepris muragkeun ci tangis
Aya ucap ngagalindeng
nu geus lila katalimbeng
Nyangsaya na dosa nu numpuk teu katobatan
Ieu takbir ngan ukur
nepi ka tungtung baseuhna biwir
Sabab hate masih rehe teu niruk katungtung kalbu
Ukur ngarajah ngalangkang di awang awang
Kumelit na ipisna ruruhit tungtung
langit.
Kamer pangrereban. 27 Februari 2016
ANGKARA MURKA
Kenging :Undang Sumargana
Nyongkab
panas mata poe
Ngagarang bumi
gonjang-ganjing
Na lautan kasarakahan
Lebah pasolengkrahna laku manusia
Nu nyamuni satukangeun baju kiai
Nu ngalangkang satukangeun kakawasaan
Sabab rasa geus jadi bangke
Teu boga karumasaan diri
Kakawasaan lir peutengna peuting
Na raga-raga manusa
Nu geus ngusap ranggeuman naraka
Lir babaungna ajag kalaparan
Nyeuseup kesang rakyat nu keur tigerat
Datang peuting
Sapasi bulan ngeclakeun cimata
Baseuh na amparan sajadah
Ngarenghap dina kasimpe
Klik Raja Sastra di sini
Duh gusti naha aya keneh kitu manusa n u wijaksana
Naha aya keneh kitu nu disebut angkara murka?
Jawabanna ngan aya na hate arandika.
download di bawah
Kamer panyileukan, 25 juli 2016
Posting Komentar untuk "SASAMBAT SANG BANYU KEUR KA MANUSA JEUNG 3 SAJAK SEJENNA "